മുറ്റത്തെ ചെപ്പ്‌

രണ്ടുകുട്ടികള്‍ അടപ്പില്ലാത്ത മുറ്റത്തെ ചെപ്പിനരുകിലിരുന്ന്

കളിച്ചു കൊണ്ടിരിക്കുകയായിരുന്നു. 

കണ്ടാല്‍ ഓമനത്വം തുളുമ്പുന്ന കുട്ടി ഓമനത്വം തീരെ തുളുമ്പാത്ത
കുട്ടിയോട് ചോദിച്ചു: "നീ എത്രകാലം ജീവിക്കും?"
അവന്‍ പറഞ്ഞത്രേ- " ആകാശത്തോളം കാലം"

ഓമനത്വം തുളുമ്പുന്ന കുട്ടിക്ക് അതില്‍ സംശയം തോന്നിയെന്ന് പറയപ്പെടുന്നു.
******
മുറ്റത്തെ ചെപ്പിനിപ്പോള്‍ അടപ്പുമുണ്ട്, ഓമനത്വം തീരെ തുളുമ്പാത്ത കുട്ടി
സ്വര്‍ഗത്തുമുണ്ട് എന്നാണു കേട്ട  കഥ!